Cydweithredu â Chwaraeon Anabledd Cymru yn dangos twf mewn disgyblaethau pistol a reiffl aer

Drwy gefnogaeth gyson cyfres insport a digwyddiadau gŵyl Para, mae Saethu Cymru wedi gweld twf o 20% mewn disgyblaethau pistol a reiffl aer yn y digwyddiadau chwaraeon para. Mae cysylltu’r digwyddiadau hyn a gwirfoddolwyr clybiau lleol wedi hwyluso trosglwyddo cyfranogwyr i amgylcheddau clwb. Er mwyn parhau i ddatblygu’r gwaith yma a’r cyfleoedd, bydd Saethu Cymru yn cyflwyno’r ddisgyblaeth Para Trap yng Ngŵyl Para Chwaraeon Abertawe y flwyddyn nesaf gan ddefnyddio cyfleuster yng Nghrynant sydd wedi elwa yn ddiweddar o grant Cyfalaf gan Chwaraeon Cymru.