Mae’r Fframwaith Symud at Gynhwysiant yn rhaglen gefnogol newydd sy’n cymryd lle’r ‘Safon Cydraddoldeb – Fframwaith ar gyfer Chwaraeon’ yn dilyn adolygiad ac ymgynghoriad â’r sector chwaraeon a gweithgarwch corfforol.

Mae’r fframwaith yn arwain sefydliadau ar ddatblygu arfer cynhwysol drwy hunanadlewyrchu a gwelliant parhaus. Nod y rhaglen hon yw ymgorffori cydraddoldeb, amrywiaeth a chynhwysiant (EDI) drwy ymgorffori cynllunio i weithredu, gweithredu ac adolygu yng ngwaith bob dydd sefydliad. Bwriad Symud at Gynhwysiant yw ysgogi newid ystyrlon mewn arferion, a mynd i’r afael ag anghydraddoldeb, gan arwain at welliannau cynaliadwy o ran cynrychiolaeth, amrywiaeth, a phrofiadau cynhwysol cadarnhaol i arweinwyr, y gweithlu ehangach, a chyfranogwyr.